《執法者們》豪擲600萬到鑽油台取景，黃宗澤買鮑魚慰勞工作人員

▲

Bosco買鮑魚加餸到鑽油台必須乘坐一小時快艇接駁，Bosco形容感覺好似學生去度假營般，而他就成為大家的「飲食組長」，為了一班台前幕後肚餓隨時醫肚，Bosco特別預先運了80罐鮑魚、咖喱醬料、杯麵與越南河粉到鑽油台，他說：「鑽油台好大風，喺上面拍打戲真系好辛苦，但工作人員仲辛苦，嗰度無得嗌外賣㗎嘛，我咪準備咗啲鮑魚同即食食糧，等佢地肚餓都隨時有嘢食。」至於蔡潔就表示今次外景不容易，但整個拍攝團隊猶如大家庭一樣，曾試過一齊在鑽油台上打邊爐，又有Bosco買鮑魚加餸，感覺好幸福，而今次蔡潔跟劉佩玥同房，兩人認識已久未試過一齊去旅行，今次外景就好像去了一次旅行一樣，可以一齊收工、食飯，覺得好開心。▲Bosco好體貼啊！
丁子朗鑽油台外吊威也感驚險丁子朗在鑽油台上有不少打戲，其中一場戲更要親身上陣吊威也吊到鑽油台外，邵氏安排了數位專業武師帶齊威也到場，但面對腳下滔滔大海，十分驚險，丁子朗初時都有點擔心，幸好最後克服心魔，但最搞笑是拍打戲時，丁子朗經常誤將對講機踢到海中，工作人員就叫他吊威也時順便將對講機執回來，而武師除了用威也拍攝這場戲外，因為鑽油台實在太中風，所以亦需要用威也來固定直升機，以免被風吹走。